Mohammed Fakhi: Kagera Sugar ndio kumekucha

Mohammed Fakhi: Kagera Sugar ndio kumekucha

13 Feb, 09:20

Beki wa Timu ya soka ya Kagera Sugar Mohammed Fakhi, amesema kuwa jitihada za kuimarisha nafasi yao katika msimamo wa Ligi kuu soka Tanzania Bara zinaendelea kuzaa matunda na kuwa wanatarajia kuendelea kupanda juu.

Fakhi amesema kuwa licha ya msimu kuanza vibaya mambo yameanza kuwa mazuri kutokana na bidii wamekuwa wakifanya.

Mapito

"Mi nahisi ni changamoto katika ligi tunapitia Mapito lakini tunaendelea kupambana kuipeleka timu katika nafasi za juu naamini tutakaa sawa na tutaweza kuipeleka nafasi za juu kabisa," amesema.  

Kuhusu changamoto ambazo zimekuwa zikiwazuia kufanya vizuri Fakhi amesema ni mambo tu ya kawaida ya mpira na wala sio uongozi au timu kushuka kwa kiwango.

"Mimi nahisi ni hali ya mpito tu kila mmoja anapitia mwaka jana tulicheza katika kiwango kizuri safari hii tunapitia kwenye majaribu lakini naamini tutarekebisha na kufanya vizuri", amesema Fakhi.

Kagera Sugar ambao walitoka sare ya bao 1-1 dhidi ya Azam Fc katika mchezo ambao ulifanyika Jumatatu ya Februari 11 wanashika nafasi ya 15 katika msimamo wa ligi hiyo wakiwa na alama 14 baada ya kucheza michezo 18.

Mchezo ujao Wanakurunkumbi hao watakuwa nyumbani dhidi ya Singida United mchezo ambao utafanyika Jumamosi Februari 17, 2018 mkoani Kagera.

Related news
related/article
International News
Ex-Manchester United star advises Martial
17 hours ago
Betting Previews
UEFA CL Final preview: Real Madrid vs Liverpool-Prediction, team news & line-ups
23 hours ago
Local News
FKF-KPL tussle over Mashemeji Derby heads to court
22 May, 17:50
International News
Real Madrid v Liverpool: Is the Champions League enough to save Zidane?
22 May, 15:10
International News
WC 2018: Kane named England captain
22 May, 10:59