Tanzia: Hamad Ndikumana Katauti afariki dunia.

Tanzia: Hamad Ndikumana Katauti afariki dunia.

15 Nov 2017, 09:19

Mshambualiaji wa zamani wa timu ya Stand United Hamad Ndikumana Kataut amefariki dunia usiku wa kuamkia leo akiwa nyumbani kwao nchini Rwanda.

Ndikumana aliwahi kuchezea klabu kadhaa barani Ulaya katika nchi za Ubelgiji, Israel, Cyprus na Ugiriki, na kusajiliwa na Stand mwanzoni mwa msimu wa 2015/16, lakini alishindwa kuisaidia timu hiyo kutokana na kushindwa kupata nafasi kwenye kikosi cha kwanza.

Taarifa kutoka kwa nahodha wa Timu ya Taifa ya Rwanda, Haruna Niyonzima amesema Ndikumana alikuwa na afya nzuri na wala hakuwa na shida yoyote wakati akifanya mazoezi na timu yake ya Rayon Sport kama kocha msaidizi hapo jana.

Sababu ya Kifo. 

Amesema mara baada ya mazoezi hayo alirudi nyumbani na kuanza kulalamika kuwa kichwa kinamuuma hadi pale mauti yalipomkuta usiku wa kuamkia Leo. 

-Alikuwa haumwi, lakini kapata tatizo jana baada ya mazoezi, alikuwa analalamika kichwa kinamuuma akarudi nyumbani kupumzika, wakati wakitafuta daktari hawakufanikiwa ikabidi wampeleke hospitali walipofika huko ndipo akafariki, inasemakana alikuwa na tatizo la Moyo," Niyonzima amesema kwa masikitiko.

Niyonzima amesema ni jambo ambalo limemuhunisha sana ukizingatia alikuwa ndiye mchezaji ambaye alimpokea na kumfundisha mengi akiwa katika timu ya taifa ya Rwanda.

Ndikumana ambaye amewahi kutamba na vilabu kadhaa anatajwa kufariki akiwa na umri wa miaka 39, pia anakumbukwa kwa kumuoa mrembo kutoka kiwanda cha filamu za Kibongo Irene Uwoya na kufanikiwa kupata mtoto mmoja wa kiume anayeitwa Krish.

Related news
related/article
FIFA World Cup
England ace hits out at tabloid press
22 Jun 2018, 10:30
FIFA World Cup
Boost for Belgium as defender resumes training
21 Jun 2018, 13:40
FIFA World Cup
Australia deserve to be in last 16, says Sokko
12 hours ago
FIFA World Cup
Neymar explains tears after Brazil win
22 Jun 2018, 20:30
FIFA World Cup
Russia star set to miss final group match
13 hours ago