Mapinduzi Cup: Sure Boy arejea kikosini kuwaangamiza URA

Mapinduzi Cup: Sure Boy arejea kikosini kuwaangamiza URA

12 Jan 2018, 19:49

Kiungo mchezeshaji wa timu ya soka ya Azam Salum Abubakar ‘Sure Boy’ amejiunga na kikosi katika mazoezi maalumu kujiandaa na mchezo wa fainali ya mashindano ya Mapinduzi Cup utakaopigwa Jumamosi kwenye uwanja wa Amaan mjini Unguja.

Sure Boy amerejea kikosini baada ya kukosa michezo kadhaa kutokana na kupatwa na msiba wa mama yake mzazi Januari 3 mwaka huu, na anatarajiwa kuwa sehemu ya kikosi kitakachoshuka dimbani kuumana na URA ya Uganda.

-Mchezaji Salumu Abubakar ambaye alikwenda Dar es Salaam kwa ajili ya msiba wa mama yake amerejea na tayari amejiunga na kikosi, na ameshiriki vyema katika mazoezi ya mwisho tuliyofanya Ijumaa, amesema afisa habari wa Azam Jaffary Idd Maganga.

Katika hatua nyingine Azam imewaomba watanzania wote bila kujali tofauti zao katika upenzi wa soka kuwaunga mkono ili kuhakikisha wanaibuka na ushindi na kubakisha kombe hilo nyumbani.

Afisa habari wa Azam Jaffary Maganga amesema watanzania wote wanapaswa kuona kuwa sasa vita imekuwa ni ya Tanzania na Uganda katika mchezo huo hivyo ni muhimu kuiunga mkono timu yao ya nyumbani na kusahau yaliyopita.

-Ni muda muafaka kwa Watanzania kuiombea dua timu ya Azam lakini vile vile kuwapa morali wachezaji wetu, katika muonekano na sura ya mashindano hivi sasa ni kama vita ya nchi mbili Tanzania na Uganda hivyo tunahitaji sana support yao, amesema.

Taji la nne.

Mchezo huo wa fainali utafanyika kuanzia majira ya saa 2:15 usiku ambapo kama Azam wataibuka na ushindi basi watakuwa wamejiwekea historia ya kwao wenyewe ya kutetea taji hilo kwani waliwahi kufanya hivyo mwaka 2012 na 2013.

Mwaka 2012 Azam waliingia fainali na kuifunga Jamhuri Pemba kwa mabao 3-1 wakati mwaka 2013 walichukua taji kwa kuichapa Tusker FC ya Kenya mabao 2-1.

Kwa Upande wa URA kama watafanikiwa kutwaa taji, litakuwa ni taji la pili baada ya lile walilolitwaa mwaka 2016 kwa kuwafunga wakata miwa wa Turiani mkoani Morogoro Mtibwa Sugar kwa mabao 3-1.

Related news
related/article
Local News
AFC Leopards, KCB eye ex Western Stima winger
22 Jun 2018, 12:15
FIFA World Cup
Referee denies borrowing Ronaldo's shirt
21 Jun 2018, 15:25
Transfer News
Transfer Talk: Ronaldo wants Old Trafford return as Emery puts Banega on spotlight
17 hours ago
FIFA World Cup
Germany issues apology for reaction aimed at Sweden
12 hours ago
FIFA World Cup
Sweden irked by Germany wild celebrations
18 hours ago